Page 186 - NP Zbornik 46_DRUGO REVIDIRANO IZDANJE

186 Aiša Kurbardović, Nesip Pepić, Kaza Akova (Bijelo Polje)...

Âsâr-ı ‘atîka

Müessesât-ı ‘atîkadan ismi mezkûr Fethiye câmi’-i şerîfiyle kasabanın iki
buçuk sâ‘at şark-ı şimâli cihetinde ve Lim boyunda Komaniçe ve altı sâ‘at uya-
klığında Brodareva karyelerinde cesîm birer kilise harâbeleri müşâhede olınıyor-
sa da târih-i inşâlarına ıttıl’ hâsıl olmamışdır.

Emâkin-i emiriyye

Geçen 95 târihinde birer bölük ‘asâkir-i şâhane istîâb ider mükemmel beş
baraka ile kumandan kalem nöbetçi odalarını hâvî bir binâ ve ittisâlinde bir ha-
stahâne, eczahâne, hademe odası ve teferru‘ât-ı sâ’ireyi şâmil fevkâni on oda
ve altında kışla, depo dâireleriyle ahurı muhtevî diğer bir binâ ve aralarında bir
matbah vardır. Podgrace karyesindeki kulelerde de asâkir-i şâhâne ikâmet ider.

Yollar ve telegraf hattı

Dâhil-i kazâda şose yolları cerîdir. Şimendiferin müntehâsı olan Mitro-
viçe’den Seniçe’ye kadâr bir yol bulınub Akova cihetinden ancak beş yüz metre
miktârı yapılmış olan Seniçe caddesi de güzel bir şose hâline ifrâğ idilirse Ako-
va’nın dahi şimendiferden istifâdesi kâbil olacağı ve kazânın ithâlatıyla ihrâcâtı
kesb-i suhûlet ideceği tahmîn olınmışdır. Akova’dan Seniçe’ye dört, Berane’ye üç
sâ‘atlik birer telgraf hattı mevcûddır.

Mevki‘-i coğrafya
Akovâ kazâsının şark-ı şimâli tarafı Seniçe, cenûbı Tırgovişte ve Berane
kazâlarıyla muhât ve Karadağ hudûdına mülhak olub garp cihetine Kolaşin ve
Prepol kazâları tesâdüf ider. Akova kazâsı merkezinden Berane hudûdına dört,
merkezine altı ve Tırgovişte hudûdına altı, merkezine on ve Prepol kezâlik altı,
merkezine on ve Taşlıca hudûdına altı, merkezine on dört ve Kolaşin hudûdına
yarım, merkezine iki sâ‘at mesâfe vardır. Belasiçe yaylasında Karadağ hudûdıyla
Akova, Berane, Kolaşin hudûdları birleşir.

Mütenevvi‘a

Akova belediye sandığının sermâyesi140.467 gurûş 19 para, irâdı 13.870,
masârıfı 12.292 gurûşdır.