Page 114 - NOVOPAZARSKI ZBORNIK 45

114 T. Haskić, N. Pepić, Pljevaljski sandžak i kaza Pljevlja u salnami...

Taşlıca Kasaba ve Kazâsı Hakkında Ma‘lûmât

Taşlıca (Plevlje) kasabası, vilâyeti terkîb iden altı sancaktan hemnâmî olan
birinin merkezi olub Yeni Pazar hıttasında ve Yeni Pazar’ın 110 kilometre garb-ı
şimâlîsinde Drin nehrine tâbi‘ Çehotina çayı üzerinde vâki‘dir. Kasabanın etrâfı
dağlar ve tepelerle muhât güzel ve münbit bir ovada bulunmakla ferah fezâ bir
manzarayı hâvidir.

Nüfus ve Emâkin: Bosna ve Hersek kıtaları Avusturya Devleti’nin işgâl-i
‘askerîsi tahtına girmezden mukaddem Taşlıca merkezi Bosna vilâyetine merbût
bir kazâ hâlinde iken Kosova vilâyetinin teşkîlinden sonra sancak merkezi ittihâz
buyrulmuş ve sâye-i ‘umrânvaye-i hazret-i padişâhîde haylı âsâr-ı ma‘mûriyet
göstermekte bulınmışdır. Kasabanın on mahallesinde 1.127 hanesiyle kazâda 53
karyede cem’an 3.772 hanede 22.668 Müslim ve 21.782 gayr-i Müslim ki min hay-
si’l-mecmû‘ 44.450 nüfûs, 581 dükkân, 42 mağaza, 39 han, 20 debbağhane, 217
değirmen, 2 fabrika, 2 hamâm, 4 tuğla ve kiremithane, 8 câmi‘-i şerîf, 1 medrese,
70 mevcûdlu 1 rüşdiye, 24 adi mektep, bazı âsar-ı ‘atîka ve bir kütüphaneyi hâvi bir
manastır, 5 kilise, 13 ebniye-i emîriyye ve ‘askeriyye mevcûddur.

Zirâ‘at ve Ticaret: Taşlıca kazâsı arazîsi ‘umûmiyet üzere ‘ârızalı ve
dağlık ise de münbit bayır ve ovaları da vardır. Zirâ‘at usûl-i ‘atîkada icrâ olın-
dığından toprağın istidâd-ı tab‘iyyesi nisbetinde istifâde olunamamaktadır. Başlıca
mahsülâtı: Buğday, arpa, çavdar, yulaf, mısır vesâir zehâirle Lim suyu vadisinde
yetişen meyvelerin envâ‘ından ‘ibâretdir. Sâir taraflarında bürûdet-i hava meyvele-
rin kemâle ermesine mâni‘ olur.
Taşlıca kazâsında 23 dönüm arsa, 149.245 dönüm tarla, 118.084 dönüm
çayır, 31.234 dönüm mer‘â, 3.867 dönüm baltalık, 184 dönüm meyve, 167 dönüm
sebze bahçeleri bulınır. Ormanlardaki eşcârın yüzde sekseni çam, küsuru meşe,
gürgen vesâiredir. Haylî kereste kat ve katran ihrâc olunur. (1)

Mütenevvi‘a: Belediye sandığının 174.563, eytâm sandığının 71.019 guruş
sermayeleri vardır.

(1) – Bu bâbdaki ma‘lûmat-ı mufassala ‘umûm sancak nâmına yazılmışdır.